ليش ما عمتصدقوني...انا فاسد

[caption id="attachment_47483" align="alignnone" width="900"] صورة توضيحية لموضوع: ليش ما عمتصدقوني...انا فاسد[/caption] كتب "الشبح اللطيف": كل ما اسمع انو في تعيينات، بحاول ابرز مواهبي بالفساد حتى اتعين بشي منصب، بس ما حدا عمبصدقني، كرمال هيك فاشل في بلدي. عملت المستحيل حتى فرجيهن فسادي، تصدولي وقلولي انت شيخ الاوادم، حلفتلن اني مش ادامي ما صدقوا ، راحت عليي وطارت احلامي. يا عالم يا هو، انا بستحق وظيفة فئة اولى، جربوني وحتشوفوا كيف من اول يوم حبلش اسرق وانهب ، واخد عمولة وحط موازنات فيها ارقام وهمية، حتشوفوا كيف بعد كم شهر حيصير عندي فيلا وسيارة احدث موديل ومرافق وسائق وحسافر كل يوم. عمقولها علنا انا فاسد مش رح أخجل ببلد بيعتبر الفساد شطارة..محسوبكن شاطر بس بدو فرصة.