كارمن لبس لزياد الرحباني: كل الجمل عمتنتهي فيك

بكلمات مؤثرة، وبالصوت والصورة، وجهت الفنانة اللبنانية كارمن لبس رسالة إلى الفنان زياد الرحباني الذي توفي قبل نحو شهرين، تحدثت فيها عن مشاعرها تجاهه وحيال رحيله عن عالمنا. شاركت كارمن لبس رسالتها عبر حسابها على منصة "إكس"، وعنونتها "كل الجمل عم تنتهي فيك"، وهي جملة من أغنية "عندي ثقة فيك" للمطربة فيروز، من كلمات وألحان الراحل زياد الرحباني. وجاءت رسالة لبس على شكل مقطع فيديو مصور ورسالة بصوتها، وهي من كتابة سليم الديك وإخراج عبادة شعراني. وقالت الفنانة التي جمعتها علاقة عاطفية بالرحباني في رسالتها: بتعرف بس تعيش وهم إنك طويت صفحة حبك الأول وفجأة تكتشف إنو الصفحة بعدا مفتوحة مع جروحاتا؟ صرلي سنين عم قول اتخطيت، بس بنفس الوقت عم إسأل "ليه؟" آخر "ليه" كانت ليه ما بدك تشوفني؟ عرفت بعدين وبعد فوات الأوان، إنو ما بدك شوفك هيك، يمكن ما كان بدك تشوفني وأنا عم شوفك هيك. وتابعت كارمن لبس في رسالتها معبّرة عن اشتياقها وقالت: اشتقتلك، وعرفت إنك اشتقتلي بس ما قلتلي، قالولي بقيت تسأل عني، بس يا ريت سمعتا منك. قلتلك بغيابك فضي البلد، بس شي إنت رحت، حسيت أنا فضيت، حسيت كل شي بقي معلق. وختمت لبس رسالتها قائلة: أسئلة ما حدا جاوب عليها، وذكريات ما حدا قادر يمسحها، كنت إهرب من سيرتك، مش لأن ما بدي ياها، بس لإني بخاف حس إنها أحلى سيرة. كل شارع، كل زاوية، كل مطرح، بذكرني فيك، حبيتك، وبعدني، وبعدا كل الجمل عم تنتهي فيك.   كل الجمل عم تنتهي فيك ... كتابة @saleem_deek إخراج @OubadaShaarani#كارمن_لبس #زياد_الرحباني pic.twitter.com/blbfYmZMfm — Carmen Lebbos - كارمن لبس (@C_lebbos) September 24, 2025